Quinto aniversario de Criticalia

Hoxe Criticalia chega ao ser primeiro lustro de vida e, para celebralo, muda a súa faciana incorporando unha nova cabeceira deseñada por Caxigueiro, artista que hibrida con habelencia o escultórico, fotográfico, poético e pictórico en orixinais e singulares instalacións, que fan del un dos máis recoñecidos creadores galegos deste tempo.

Nesta ocasión o novo deseño xoga tamén coa mestura de tipos en moldura con outros elementos non tipográficos pero que funcionan como tal, abrindo un diálogo entre o gráfico e que está alén deste pero orbita arredor del implementádoo.

caxigueiro (II)caxigueiroCaxigueiro dá, así, relevo a Xosé Vizoso —quen creou a imaxe do ano pasado—, Héitor Picallo, quen o fixo no 2014, e Baldo Ramos —quen se encargou de renovar as cabeceiras os primeiros anos—. A todos eles debe Criticalia agradecemento por crearen magníficos atrios para esta casa dixital.

Como noutras ocasións, tamén desta volta o artista xogou con varios modelos posibles ata dar con un que o convencía por igual a el e a quen isto escribe. Algúns deses deseños alternativos figuran como ilustracións destas liñas.

Benia a Caxigueiro, mindoniense xeneroso, por ter enfeitado con tanto ben esta bitácora, que loce coruscante mercé ao seu talento. ¡Que o gocedes!

Esta entrada foi publicada en Varia e etiquetada . Garda a ligazón permanente.

2 respostas a Quinto aniversario de Criticalia

  1. Todos os parabéns, amigo Armando. Hai que asomarse a CRITICALIA para mellor entender e saber. ¡Longa vida!

Os comentarios están pechados.